今早有位婆婆喺中心俾度門夾損手指，我見同事下晝喺厠所幫佢抹血同換膠布，先知佢受咗傷，傷口仲要滲緊血！...

今早有位婆婆喺中心俾度門夾損手指，我見同事下晝喺厠所幫佢抹血同換膠布，先知佢受咗傷，傷口仲要滲緊血！

我即時託中心嬸嬸幫我去藥房買咗肥媽信賴嘅黃立光止痛止血油，幫婆婆搽油同包紥，婆婆好感動，不停多謝我！

我講笑話係咪覺得呢個雞手鴨腳姑娘好似白衣天使呢？婆婆笑到擘大個口，露出剩餘嗰三隻牙仔！血成功止到，傷口亦冇咁痛，我估除咗支藥油嘅威力外，最重要係阿肥姑娘嘅耐性同關心！

幫婆婆包紥好後，我頃刻覺得自己啲手勢實在太好，包到婆婆兩隻手指好似迷你肉鬆蛋卷！

---